Mikilvægur kynningarfundur - viðbragðsáætlun vegna gróðurelda í Skorradal! Sumarhúsaeigendur eindregið hvattir til að koma

Almannavarnanefnd Borgarfjarðar og Dala ABD, í samvinnu við Almannavarnadeild ríkislögreglustjóra boðar til kynningarfundar í Ársal í Ásgarði á Hvanneyri (efstu hæð nýja skólahússins) kl. 20:00 fimmtudaginn 14. júní 2012.

Eigendur sumarhúsa í Skorradal og íbúar eru sérstaklega boðaðir og hvattir til að mæta, ásamt fulltrúum viðbragðsaðila og öðrum hlutaðeigandi.
Dagskrá:

1. Kynning á lokadrögum ,,Viðbragðsáætlunar vegna gróðurelda í Skorradal” - þetta er fyrsta viðbragðsáætlunin sem gerð er vegna gróðurelda á Íslandi. Áherslan er á björgun fólks af frístundasvæðum dalsins.

2. Afhending á kynningarefni vegna forvarna og viðbragða ef kemur til rýmingar svæða.

3. Kvöldhressing -

3. Kynnt og boðuð æfing og kerfisprófun símboðunar vegna tilkynningar um rýmingu. Kerfisprófunin er áætluð 16. júní.

4. Almennar umræður og skyld mál (brennumál). Áætluð fundarslit kl. 22:00.



Fyrir hönd Almannavarnanefndar, Hulda Guðmundsdóttir s. 8932789

© 2009-2015 Félag sumarhúsaeigenda í Hvammi Hafðu samband